LA UNION – Agtultuloy a sapsapulen dagiti rescuers ti maysa a construction worker a naiyanod idiay Amburayan river iti Barangay Namaltugan idiay ili ti Sudipen, La Union.
Nabigbig ti biktima a ni Victor Lozano, 21, residente ti probinsya iti Nueva Viscaya.
Base ti report iti Sudipen Police Station, nagtulag ti biktima ken dagiti gagayyemna nga agdigos ken ballasiwen ti karayan.
Kabayatan a bumalballasiw ket killaat nga inyanod iti napegges a danum ti biktima.
Napaay met dagiti kakaddua ti biktima a maisalakan daytoy.
