LA UNION – Agtaltalinaed iti pagbaludan ti pulisya ti construction worker a naaresto babaen ti buybust operation idiay Barangay Mabanengbeng 2nd, ili ti Bacnotan, La Union.
Nabigbig ti suspek a ni Allan Valdez, 28, residente iti Barangay Narra ti nasao nga ili.
Base iti report manipud ti Bacnotan Police, sangasupot a maatap a marijuana ti nakompiskar nga ilaklako ti suspek karaman ti buy-bust money.
Kaso a panaglabsing ti Comprehensive on Dangerous Drug Act ti sangsanguen a reklamo ti suspek.
