LA UNION – Sumangsango iti adu a kaso iti maysa a construction worker kalpasan a nakumpiskaran iti granada, paltog, bala, ken droga iti mismo a pagtaengan na idiay Barangay Marcos, Rosario, La Union.
Iti suspek ket nabigbig iti nagan a Klaus Fuentes, 58-anyos.
Immuna ti daytoy, arestado iti suspek iti insayangkat a search warrant operation iti nagtipon a puwersa dagiti otoridad nga indaulwan ti Rosario Police Station, iti balay ni Fuentes a nagresulta iti pannaka-kumpiskar iti maysa a pidaso ti MK2 model fragmentation hand grenade; maysa a pidaso ti 40mm projectile; maysa a pidaso ti cal. 45 pistol nga addaan ti bala ken magazine a naglaun ti lima a live ammos; ken maysa a medium size ti ziplock plastic sachet a maipagarop a naglaun ti marijuana.
Iti suspek ket manamnama a maidatagan iti kaso a panaglabsing iti Illegal Possession of an Explosive (RA 9516); Comprehensive Firearms and Ammunition Regulation Act (RA 10591); ken Comprehensive Dangerous Drugs Act of 2002 (RA 9165).
