LA UNION – Pakabuklan itan nga uppat a COVID patients iti naka-recover wenno naimbagan manipud iti sakit a gapwanan ti coronavirus.
Daytoy ket kalpasan a nainayon iti tallo (3), agpapada a taga Pangasinan, base iti report nga inruar ti Department of Health (DOH) – Center for Health Development (CHD) 1 idi kalman.
Dagiti tallo a limmaing manipud COVID-19 ket iti patient #7, maysa a 70-anyos a lakay manipud idiay ili ti Rosales; patient #8, maysa a 29-anyos a lalaki ti Barangay Nancayasan, Urdaneta City nga addaan ti travel history idiay Japan; ken patient #13, maysa a 75-anyos a baket manipud Barangay Bani, Bayambang.
Kabayatanna, agtaltalinaed nga 46 dagiti kumpirmado a kaso ti COVID 19 iti sapasap a rehiyon uno.
Kabilang ditoy iti 24 covid cases idiay Pangasinan; 13 ditoy La Union; maysa idiay Ilocos Sur; 2 idiay Ilocos Norte; ken 6 idiay Dagupan City.
