LA UNION – Impasardeng ti Hongkong Food and Health Bureau iti pannaka-usar ti BioNtech vaccine a partuat ti Pfizer.
Naiyanunsiyo daytoy idi pay aldaw ti Martes, kalpasan a nadiskubre dagiti health officials idiay Hong Kong a sumagmamano kadagiti vials ket naperdi iti seal na.
Daytoy iti impadamag kabayatan ti eksklusibo nga interview ti Bombo Radyo La Union kenni BNIC Emily Miranda, tubo ditoy La Union ken maysa nga overseas worker idiay Hong Kong.
Segun kenni Miranda, awan pay iti anunsiyo iti health bureau idiay Hong Kong nu kaatnu a maituloy iti rollout iti BioNtech vaccine, ngem kas precaution para iti agtultuloy a vaccination, kasapolan a masuspinde iti panangusar ti nasao a bakuna bayat nga agtultuloy iti imbestigasyon.
