Imbilin ni Philippine National Police (PNP) Chief PGen. Nicolas Torre III nga i-endorso dagiti pulis ti 911 hotline iti publiko.
Naammoan ti Hepe a nupay napintas ti feedback ti publiko, partikular kadagiti nakapadasen ti 5-minute response time rule ti hanay da ket adu latta a Pilipino ti saan pay a makaammo nga epektibon iti panagusar ti national emergency hotline.
Gapo iti daitoy ket binilin ni Torre iti kapulisan nga i-endorso ken iwaragawag iti publiko a mabalin dan iti tumawag iti 911 nu adda iti emergency.
Kabayatanna, naragsakan met iti hepe para iti positibo a feedbacks, partikular kadagiti natulongan ti inisyatiba. Kinunana a mangipakpakita laeng daitoy a bigbigbigenen ti publiko ti serbisyo ti hanay da tapno mapagtalinaed iti kinakapia ken kinatalged dagiti Pilipino.
