LA UNION – Nababa nga amang ti nailista a crime rate ditoy La Union iti first quarter ita a tawen 2020 kumpara iti pada met laeng a period idi napalabas a tawen 2019.
Nakatulong iti panagbaba ti crime rate iti pannakaipatungpal ti enhanced community quarantine.
Kaadwan a nailista ita sipud naipatungpal iti ECQ ket dagiti naglabsing iti curfew.
Segun kenni PLtCol. Silverio Ordinado, spokesperson iti LUPPO, kinuna na a 39% ti bimmabaan iti crime statistics ita a tawen.
34 a krimen nga against person tinailista iti first quarter ita a tawen kumpara iti 45 idi napalabas a tawen 2019.
Bayat a ti crime against property ket 23 idi napalabas a tawen, kumpara iti 19 ita a tawen.
Segun kenni Ordinado, agtultuloy iti panangbantay da iti aglawlaw nangruna iti pannakaipatungpal iti ECQ tapno maliklikan ti pannakapasamak dagiti krimen.
