LA UNION – Bimmaba iti crime volume iti Region One idi tawen 2019 nu ikumpara iti datus idi 2018 .
Base iti nakalap nga impormasyon ti Bombo Radyo La Union iti Police Regional Office One wenno PRO-1, iti bilang dagiti krimen a nailista ditoy rehiyon idi 2019 ket 23, 362 nababbaba nga amang nu idilig iti 33, 348 idi 2018.
Idiay probinsiya ti Pangasinan iti nakailista ti kadackelan a crime volume a dumanon iti 16, 819 ngem nababbaba daytoy nu ikumpara idi 2018 a 19, 927.
Ditoy La Union, dackel iti bimmabaan ti crime volume a 2,186 idi 2019 kumpara iti 7,076 idi 2018.
Idiay Ilocos Sur ket 2,377 iti napasamak a krimen idi 2019 kumpara iti 4,312 idi 2018.
Bayat nga idiay Ilocos Norte, manipud iti 2,073 idi 2018 ket nagbalin laengen a 1,880 idi napalabas a tawen.
