Kinumpirma iti lokal a gobyerno iti ili a Bauang, La Union ti panagbaba iti infection kadagiti tallo nga immuna a naipadamag a lugar a natamaan iti ASF kalpasan iti makabulan a panagbinnulig iti Barangay, Department of Agriculture; Provincial Veterinary tapno malapdan iti panagwaras iti virus.
Pakaibilangan kadagitoy ti Barangay Payocpoc Norte Weste, Parian Oeste, ken Brgy. Quinavite.
Ngem nupay kasta ket nairot latta ti panangmonitorda kadagiti baboy ken karne dagitoy kas maiyannurot kadagiti allagaden.
Mainaeg iti daytoy, nakailista ti Barangay Lower San Agustin; Barangay Santiago ken Barangay Central West, iti kabaruan nga apektado ti ASF kalpasan iti rimmuar nga resulta kadagitoy.
Gapu ti dayta, amin nga meat establishments iti uneg iti 1 km radius idiay Barangay Cabisilan ken Barangay Upper San Agustin ket temporaryo a nasuspende iti uneg iti 14 nga aldaw maibasar iti pammilin ni Bauang Mayor Menchie De Guzman.
Nairot latta a mamonitor sadiay ti garaw dagiti live hogs ken pork by products.
Daytoy ket tapno malapda iti virus kasaruno ti pannakaipatungpal ti disinfection ken culling kadagiti nadakamat a lugae ken agtultuloy a pannakaipatungpal ti IEC kadagitoy.
Kabayatanna, ti municipal slaughterhouse ket temporaryo a nairikep iti 3 nga aldaw wenno agingga a malpas ti culling operation.
Ti mangmonitor ti culling optn ket ti MAO, Municipal task force iti asf, kasta metten ti DA ken OPVET.
