Sinentensiyaan ti Manila Regional Trial Court iti tungpal biag wenno reclusion perpetua ti Customs broker a ni Mark Taguba II ken tallo pay nga akusado gapo iti smuggling wenno panangipuslit iti 602,270 kilo a shabu manipud China nga aggatad ti P6.4 billion, idi tawen 2017.
Ti 89 a panid a desisyon, napaneknekan ti korte a guilty iti panaglabsing ti Customs Modernization and Tariff Act ni Taguba kakadwa dagiti tallo pay nga isuda Eirene Mae Tatad, Fidel Dee, ken Dong Yi Shen alias “Kenneth Dong.”
Binilin pay ti korte dagiti akusado nga agbayad ti P50 million ti tunggal bilang ti reklamo nga agdagup iti P150 million.
Segun kenni Judge Alma Crispina Lacorte ti Manila RTC Branch 21, agtalinaed nga at-large dagiti sabali pay nga akusado ken nakatuding paylaeng a mabasaan ti sentensya.
