BR LA UNION – Kinaswan ti Department of Agriculture (DA) iti importer ti sibuyas gapu iti kinakurang kadagiti dokumento.
Segun iti DA, mismo a Bureau of Plant Industry (BPI) iti nangidatag ti kaso kontra iti JRA and Peral Enterprises Inc. gaputi panagangkat ti P2.37-milyon a balor iti sibuyas nga awan ti anyaman a dokumento.
Nagramot ti reklamo iti importation ti 25 metric tons ti yellow onions manipud China a simmangpet idiay Manila South Harbor idi Hulyo 2024.
Kinuna ni Hendrick Exconde, Area Manager ti BPI National Plant Quarantine Division idiay Port Manila, innala ti JRA dagiti nasao a sibuyas nga uray awan ti pammalubos ti gobyero iti importasyon idi napan a tawen.
Maipalagip a sinuspendi ti BPI iti panangipaay ti import permits kadagiti fresh yellow onions manipud Enero 1 agingga Agosto 19, 2024 agsipudta adda ti naan-anay a suplay ti sibuyas ditoy pagilian.
