Pinapigsa ti Department of Agriculture (DA) dagiti addang tapno maisubli iti normal iti populasion dagiti baboy ken masigurado iti umdas a suplay ken presio ti karne iti merkado.
Segun kenni Agriculture Secretary Francisco Tiu Laurel Jr., ipatungpal ti ahensia iti nainget a biosecurity measures ken science-based repopulation programs tapno malapdan iti panagwaras ti African Swine Fever (ASF) ken mapapartak iti panagbangon ti industriya.
Panggep met ti gobierno a mapapigsa iti produksion ti hog sector bayat a salsalakniban iti pagbiagan dagiti agtartaraken ti baboy.
Maibasar iti datos ti Philippine Statistics Authority (PSA), bimmaba ti 8.75 million head iti swine inventory idi 2025 manipud ti 9.57 million idi napalabas a tawen.
Mamati iti ahensia a napateg iti napartak a panagbangon ti hog industry tapno mapapigsa iti food security ken makatulong iti panagkontrol iti panagngato ti presio ti taraon.###
