LA UNION – Agsag-saganan iti Department of Agriculture (DA) Region 1 para iti panangibunong ti ayuda kadagiti mannalon iti Ilocos Region a naapektaran iti panagduprak dagiti napalabas a bagyo.
Base iti impormasyon ti Bombo Radyo La Union manipud kenni DA Regional Communications Officer Vida Cacal, makomikom da iti isay-sayangkat da a damage assessment ken validation kadagiti naisumite a damage report iti ahensiya.
Kinuna na a tarigagay da a maibunong ti ayuda iti kabiitan a panawen tapno matulongan metten dagiti apektado a mannalon.
Kabilang iti ibunong da nga ayuda ket hybreed seeds iti palay, mais ken nat-nateng.
Base iti kauddian a datus ti DA Region 1, aganay 3,327 ektarya a kapagayan; 3,162 nga ektarya ti kamaisan; ken 579 nga ektarya a pagmulmulaan ti nat-nateng iti pinerdi ti napalabas a bagyo malaksid laeng iti benneg iti fisheries ken livestocks.
Agbalor met iti nasurok a P209.4-M dagiti partially ken totally damaged iti agrukultura iti intero a rehiyon.
Kangrunaan a naapektaran ket dagiti mannalon idiay Ilocos Norte ken Pangasinan.
