LA UNION – Nakaawiden idiay Agoo, La Union dagiti 17 a construction workers a naistranded idiay Cabuyao, Laguna gaputi naipatungpal a community quarantine gapwanan ti COVID 19 pandemic.
Nakaawid dagitoy babaen iti koordinasyon ken panagtinnulong iti lokal a gobyerno ti Agoo ken city government ti Cabuyao, Laguna.
Kas panagtungpal iti health protocols ken precautionary measures kontra iti sakit COVID 19, naipasidong dagitoy iti sanitasyon ken check-up.
Kalpasan na, dagus da a naiturong iti Ligtas Covid 19 Quarantine Facility iti nasao met laeng nga ili, para iti 14 days quarantine ken pannakaala ti swab test dagitoy.
Naamwan ti Bombo Radyo nga iti uneg ti dua a bulan ket nag-survive ken nag-dependar dagiti stranded workers iti relief goods nga inted kadakuada ti LGU idiay Laguna.
Kabayatanna, nangipaay met ti local chief executive idiay Agoo ti P2,000 cash assistance kadagiti naka-quarantine ita a construction workers, tapno adda usaren da iti inaldaw-aldaw.
Malaksid iti nasao a bilang, 3 pay a trabahador iti nakaawid metten iti lugar da idiay ili a Rosario ken Sto. Tomas La Union.
