LA UNION – Dumanonen iti 15 drums a disinfectant ken aganay 100 nga face shield iti naaramiden dagiti agtutubo ti Barangay Ilocanos Sur, San Fernando City, La Union tapno maibunong kadagiti frontliners ken dagiti residente.
Iti pannakiuman ti Bombo Radyo kenni Justin Fabro kinuna na nga inisyatibo ti SK Chairman da a ni Mark Anthony Ducusin ti nasao nga addang no sadino katinulong da ditoy iti Ilocanos Youth For a Change ken Sanguniang Kabataan.
Kinuna na a babaen iti naipaay kadakuada a laminating plastic ken rubber band ket nakaaramid dan ti aganay 140 pidaso ti face shield nga inbunongda kadagiti frontliners ti City Health Office ken Ilocos Training Regional & Medical Center (ITRMC).
Segun met kenni Erika Rivera, kas maysa a kabataan ket obligasyon na met a tumulong nangruna kadagiti frontliners tapno maparmek iti panagsaknap ti Covid 19.
