LA UNION – Sumangsango ita iti panaglabsing iti RA 10591 wenno Comprehensive Firearms and Ammunition Regulation Act ti tallo nga tattao kalpasan a masaed kadakuada ti nadumaduma nga bala ken dagiti paltog idiay Barangay San Pablo, Balaoan, La Union.
Nabigbig dagiti suspek a da Rogelio Regacho Jr, 33; Philppine Army reservist; Ronnel Laroco, 29; ken Benson Aquino, 26; agpapada a residente iti ili ti Agoo.
Immuna ditoy, nangisayangkat ti entrapment operation dagiti miembro ti Balaoan Municipal Police Station iti nasao nga lugar no sadino nakumpiskar kadakuada ti (1) unit ti Intratec (Kg9) cal. 9mm submachine gun nga addaan ti dua a magazine; (1) unit ti Norinco cal .45 pistol ken dua a magazine, (1) unit ti S&W cal .32 revolver ken nadumaduma a klase ti bala.
Iti agdama ket agtaltalinaed iti kustodiya dagiti otoridad dagiti suspek bayat nga agtultuloy met ti imbestigasyon kontra kadagitoy.
