Impasigurado iti gobierno ti Iran nga agtaltalinaed a silulukat iti Strait of Hormuz para iti intersional a panagtagilako, malaksid iti lugan pangbaybay a kukua ti Estados Unidos ken Israel.
Pinunas ni Iranian Foreign Minister Abbas Araghchi dagiti panagdanag a naan-anay dan nga iserra daytoy.
Segun iti opisyal, dagiti laeng oil tanker ken dadduma pay a barko dagiti maibilang a kabusorda iti nainget a maiparit nga agbiahe iti nadakamat a taaw.
Mapalubosan latta a lumasat dagiti amin a dadduma pay a klase ti barko nga awan pakainaiganna kadagiti kalabanda a pagilian.
Ti Strait of Hormuz ket maysa a kritikal a ruta iti kabaybayan a pagdaldalanan ti mapattapatta a 20% ti sangalubongan a supply ti langis iti intero a lubong manipud Gulf region.
Maipalagip a sakbay daytoy a pannakalawlawag, sumagmamano nga insidente ti panagbomba kadagiti barko ti nairekord iti nadakamat a baybay iti kangitingitan ti kumarkaro a tension iti rehion.
Karaman ditoy iti panagraut ti maysa a vessel ti Thailand nga idi agangay ket naipaganetget ng awan ti aniaman a partisipasion wenno pakainaiganna iti mapaspamak a gubat.###
