LA UNION – Temporaryo a nagrikep iti sumagmamano nga beach resort nga masakopan iti lima a Barangay idiay ili ti San Juan, La Union gapu iti epekto ti bagyo Ompong.
Daytoy iti kinunani Gino Mabalot ti Municipal Dissaster Risk Reduction Management Council (MDRRMC), no sadino pinalubosan daytoy ni San Juan Mayor Arturo Valdriz.
Malaksid iti daytoy, kanselado met ti klase iti amin a tukad ita nga aldaw agingga inton bigat September 14, kas panagsagana iti dakes nga panawen.
Kabilang kadagiti lugar a temporaryo nga nagrikep iti sumagmamano a beach resort ket iti Ili Sur, Ili Norte, Taboc, Panicsican ken Urbiztondo no sadino a masarakan ti Surfing Capital of the North.
