LA UNION -Pinalagipan ti Office of Civil Defense (OCD) – Regional Office 1 dagiti lokal a gobyerno ken mangimatmaton iti beach resorts iti sibubukel nga Ilocos region a nainget nga agbantay kabayatan nga umadanin ti panangrugi ti Palarong Pambansa.
Iti pannakiuman ti Bombo Radyo La Union kenni OCD-Regional Office 1 Information Officer Mike Sabado, kinuna a posible a maaddaan ti side trips kadagiti baybay dagiti delegado wenno dumar-ay iti kadakkelan nga sporting event ti pagilyan.
Tarigagay ti OCD a maipanamnama ti kinatalged kangrunaan manipud iti pannakalmes.
Kabayatanna, kanayun met a mangiruar iti patigmaan ti OCD maipapan ti kasasaad ti kabaybayan wenno ti panawen manipud iti weather bureau ti PASAGA.
