BR LA UNION – Pormal nga inyam-ammo ti House Prosecution Panel idi kalman, ti umuna a batch dagiti beterano a private prosecutors a kabinnulig iti maisayangkat nga impeachment trial ni Vice President Sara Duterte idiay Senado.
Segun kenni House Committee on Justice Chairperson ken lead prosecutor Gerville “Jinky Bitrics” Luistro, ti umuna a batch ket buklen dagiti nalatak a litigator, sigud nga opisyal iti gobyerno, ken dagiti legal academic a nagboluntaryo nga agserbi a pro bono wenno awanan ti bayad.
Makadwa iti House prosecutors dagiti nasao nga abogado tapno saganaan amin nga aspeto ti trial kas koma iti panangi-presenta dagiti ebidensiya, testigo, panagaramid ti pleadings, ken dadduma pay.
Dagitoy ket naggapo da iti tallo a nalatak a law firm a pakaibilangan dagiti sumaganad:
Manipud iti Pacabar Law:
Atty. Marforth Pua
Atty. James Bryan Ibrahim Alih
Atty. Erwin Matib
Atty. Justine Anne Lamarca
Manipud iti Kapunan and Castillo Law:
Atty. Lorna Kapunan
Atty. Sonya Margarita Benemerito-Castillo
Atty. Deanna Melissa Lorenzo-Singian
Atty. Lino Chris Kapunan
Atty. Bettina Zamora
Manipud iti SALiGAL Law:
Atty. Amando Virgil Ligutan
