LA UNION – Impanamnama ti Land Transportation Franchising and Regulatory Board (LTFRB) Regional Office-1 a malukatan dagiti sigud a rota dagiti public utility vehicles (PUV’s) apaman a mangrugi iti klase ditoy probinsya ti La Union inton August 24.
Kabayatan ti regular session ti La Union Provincial Board, kinuna ni Atty. Anable Nullar ti LTFRB Regional Office-1, gapu ta namnamaen nga umadu dagiti pasahero gapu iti panangrugi ti klase ket segurado nga agkurang iti pampubliko a transportasyon.
Gapu iti daytoy, sigun kenni Atty. Nullar ket mangnayunda kadagiti agbiyahe a pampasada a lugan malaksid iti pananglukat iti rota tapno adda iti pagluganan dagiti agturong ti eskwelaan.
Iti agdama, limitado pay laeng dagiti napalubusan a PUVs ang agbiyahe kas panagtungpal kadagiti panaggurutan ti IATF kontra iti panagwaras ti COVID-19.
Immunan nga inwaragawag ti Department of Education a kasapulan nga aglukat ti klase inton August 24.
