LA UNION – Adda dagiti drug personalities idiay Barangay Baccuit Sur, Bauang, La Union iti makunkuna a nalugi iti panagtaraken da ti manok.
Base iti nakalap nga impormasyon manipud kenni Barangay Kapitan Artemio Yadao, nalugi dagiti drug personalities iti panagtaraken da ti manok gaputa maipagarop a nagsakit dagitoy.
Maipalagip a dagiti nasao nga indibiduwal ket tinulongan ti lokal a gobyerno ti Bauang, babaen iti pinansiyal nga aspeto, tapno maaddaan dagitoy ti pagbiagan, a kas iti panagtaraken ti manok, ngem maipagarop a nalugi dagitoy.
Nupay kasta, iti pannakisarita kadakuada ni Yadao, nagkari dagitoy nga in-inuten da laengen a bayadan ti puonan nga impabulod kadakuada ti lokal a gobyerno.
Naamwan a P500.00 kada kinsenas kataposan iti napagnunumwan a bayadan dagitoy.
