Impa-assess ni Senator Sherwin Gatchalian dagiti pasilidad kadagiti eropuerto ditoy pagilian gapo iti kallabes a napasamak nga power outages.
Impaganetget ni Gatchalian nga ti kaawan ti kuryente kadagiti terminal ti Ninoy Aquino International Airport (NAIA) ket nangigubuay ti delay iti flights ken dakkel nga istorbo kadagiti pasahero.
Impasiguro ti senador iti Department of Transportation (DOTr) ken ti Manila International Airport Authority (MIAA) a mabalin a maliklikan ti nasao nga power interruptions.
Napateg kunana a ma-assess a nalaing ti power installations iti airport tapno maamwan ti operability, aglalo itan a ngumatngato ti demand iti konsumo ti kuryente gapo iti iseserrek ti bakasyon ken tiempo ti kalgaw.
Nasken a masiguro nga adda kanayon iti back up a power supply kadagiti eropuerto tapno saan a maaapektaran dagiti operasyon da.
