Agtultuloy nga itandudo ti Gobierno Probinsial ti La Union dagiti proyekto a pang-imprastraktura tapno mapasayaat iti transportasion, edukasion, ken dadduma pay a kangrunaan a serbisio, segun kenni Governor Mario Eduardo C. Ortega iti State of the Province Address (SOPA) idi Hulyo 28, 2026 iti Speaker Pro Tempore Francisco I. Ortega Convention Center idiay Barangay Sevilla, City of San Fernando, La Union.
Karaman kadagiti kangrunaan a proyekto iti nabayagen a maur-uray a Ramot-Puguil Farm-to-Market Road iti sidong ti Philippine Rural Development Project (PRDP), a nagdur-as kalpasan ti siam a tawen.
Impadamag met ti gobernador iti panangipasdek dagiti baro a silid-pagadalan, panangpapintas dagiti provincial roads ken farm-to-market roads, kasta met iti panangipasdek ken panangurnos dagiti pasilidad para iti panangtaripato ti aglawlaw.
Segun kenni Ortega, panggep dagiti proyekto a mapalawa iti koneksion dagiti komunidad, mapasayaat iti panangitulod ti serbisyo ken ad-adda a mapasaranta iti panagrang-ay ti sapasap a probinsia.###
