Nagnegatibo iti COVID-19 dagiti kameng ti Bombo Radyo kalpasan a rimmuar iti resulta ti naisayangkat a swab test.
Kas ti panagtungpal iti pagallagadan wenno health protocols nga ipatpatungpal ti IATF ket nai-quarantine iti makalawas dagiti nasao nga empleyado iti mismo a bisinidad ti Bombo Radyo Broadcast Center ken nagtultuloy iti operasyon daytoy kabayatan a maur-uray idi ti resulta ti lab test.
Kagiddan iti quarantine period, naisayangkat met ti disinfection iti uneg ti opisina ti Bombo Radyo tapno maipanamnama a natalged ti pasdek manipud iti pangta ti nasao a virus.
Kabayatanna, nagkiddaw met ti dispensar iti Bombo Radyo La Union management kadagiti bisita wenno kliyente a saan a nasango kabayatan ti quarantine period.
Iti agdama, nagsubli metten iti normal nga operasyon ti estasyon ti Bombo Radyo.
