Impariten ti Australian music charts dagiti kansion a sibubukel a naaramid babaen ti Artificial Intelligence (AI), segun ti Australian Recording Industry Association (ARIA).
Panggep ti addang nga ikkan-prayoridad ken masalakniban dagiti musika a pinartuat ti tao.
Nagbalin daytoy nga isyu kalpasan iti kontrobersiya iti cover ti Australian DJ a ni Josh Fawaz ti “Like A Prayer” ni Madonna, a dimmanon iti No. 2 iti overall chart, nadingngeg kadagiti radio stations ken nakaala ti dandani 50 millions streams iti nadumaduma a platforms.
Iti baro nga alagaden, mabalin latta nga agusar ti AI dagiti artists, ngem kasapulan nga isuda mismo iti agaramid ti kanta ken usaren iti bukod da a boses ken instrumento.
Inlawlawag ti ARIA a saan a naan-anay a maiparit iti panagusar ti AI iti panagaramid ti musika. Iti panggep daytoy ket masigurado a dagiti kanta a makastrek iti charts ket adda ti napateg a kontribusion na manipud kadagiti human artists.###
