LA UNION – Naabiswan dagiti amin a motorista a dumaldalyasat iti national highway a sakopen ti ili a San Juan partikular iti Barangay Urbiztondo kagiddan iti panagrugi ita nga aldaw ti Biyernes, Oktubre 25, iti maika-14 a Surfing Break 2019.
Inaklon ni Pol. Maj. Bernabe Oribello, agdama a hepe ti San Juan Police Station, a dackel a karit kadakuada iti limited space a pag- parkingan dagiti bisita ken turista, a makipaset iti nasao nga aktibidad.
Aminado ni Oribello a kaadwan a lugar iti Barangay Urbiztondo ket private property isunga awan iti nalawa a pagparadaan dagiti sumangbay a bisita nga addaan ti behikulo, malaksid pay nga adda iti manarimaan a road works.
Gaputi dayta ket ipalubos ita dagiti otoridad ti outer lane iti kalsada nga agserbi kas parking space.
Nagpanawan pay kadagiti motorista a nu awan met laeng ti napateg a ranta iti Barangay Urbiztondo ket nasay-sayaat nga usaren iti diversion road kas alternate route tapno maliklikan ti nairut a taray ti trapiko ken saan a mataktak iti pagturongan a destinasyon.
Naamwan a pakabuklan a 54 nga uniformed personnel malaksid pay kadagiti force multipliers iti maimuntar iti surfing area tapno imando ti naannayas a taray ti trapiko ken mangbantay iti kinatalged dagiti umili.
Iti 14th La Union Surfing Break a mangrugi ita nga aldaw ken agpatingga inton Domingo, Oktubre 27 ket maiganwat iti tallo nga ili, a pakaibilangan idiay ili ti Caba, Bacnotan, ken San Juan, La Union.
