LA UNION – Sumagmamano a personalidad ken kameng ti media ti napaay a makaala ti inisyal nga impormasyon no sino iti nag-file ti certificate of candidacy (COC) iti Commission on Election (COMELEC) idiay probinsya ti La Union.
Adda ti immalma iti maipagarup nga ipatpatungpal a polisya ti COMELEC gapu ta tarigagay dagitoy a maammuan no sino dagiti kandidato iti bukodda a barangay.
Iti panangilawlawag ni La Union Provincial Election Supervisor Atty. Joel Ginez, parte laeng ti maipatpatungpal a data privacy ti Comelec a saan nga ipasirip iti listaan dagiti kandidato.
Kabayatanna, umap-apela met dagiti sumagmano nga indibidual iti Comelec nga ipakaammo koma iti publiko iti nagan dagiti kandidato nga imunan a nag-file ti COC.
