LA UNION – Tinurong dagiti amin nga opisyal ti gobierno iti lamay ni sigud a Congresman Eufranio ‘Franny’ Eriguel iti mismo a pagtaengan dagitoy idiay ili ti Agoo, La Union.
Indaulan daytoy ni La Union Governor Francisco ‘Pacoy’ Ortega III ken dadduma pay a government officials segun iti La Union Provincial Office.
Tarigagay ti panagturong dagitoy sadiay ket tapno makipagladinget iti naulila nga pamilya ti sigud a mammanday linteg.
Maipalagip, napalpalotgan agingga a pimmusay ti sigud a mammanday linteg dagiti saan pay nga ammo a suspek kabayatan a daytoy ket agbetbetla iti miting de avance idiay Barangay Capas maysa nga aldaw sakbay ti Barangay ken Sanguniang Kabataan (SK) Election 2018.
