LA UNION – Kinumpirma ti Commission on Election (COMELEC) La Union Office a nakasangpeten dagiti official ballots a maaramat para iti Barangay ken Sangguniang Kabataang elections.
Kinuna ni La Union Election Supervisor Atty. Joel Gines, maiturong iti provincial treasurer’s office idiay Capitol dagiti nasao a balota.
Dagiti municipal treasurers ti mangala idiay Kapitolyo kadagiti balota ken makaammodan nga ibunong kadagiti masakupanda a barangay sakbay a mangrugi ti panagbobotos.
Nagpalagip ni Atty. Gines maipapan ti akem iti tunggal maysa para ti panagsagana ti election.
