LA UNION – Nasurok maysa lawas itan nga awanan ti trabaho dagiti Overseas Filipino Workers (OFWs) idiay Kaifeng, Henan gaputi panagwaras ti N-COV wenno New CoronaVirus idiay pagilian a China.
Daytoy iti nakalidliday a waragawag iti dua a pinoy workers sadiay, da Jerrold Pascua, tubo ti Candon City, Ilocos Sur ken Dina Columbano, tubo ti Cabagan, Isabela ken agtrabtrabaho iti hote
Segun kenni Pascua, narigat iti sitwasyon da ita ken agprob-problema iti ipatulod na nga allowance ti anak na ditoy Pilipinas.
Kinuna da Pascua ken Columbano a duwan iti natay ken nasurok metten a 493 iti nakaptan ti N-COV idiay Henan province, nga iti agdama ket naka-locdown tapno maliklikan nga agsaknap sadiay iti deadly virus.
Gaputi dayta, apektado iti trabaho, negosyo ken transportasyon.
Inladawan da iti ayan da a lugar a nakaul-ulimek agsipudta awan iti tao a makita iti kalsada ken awan unay iti aglabas a lug-lugan.
Innayon da pay a pabor da iti naipatungpal a lockdown tapno mas nataltalged da kontra iti sakit.
Iti Kaifeng ket maysa a prefecture-level city idiay east-central Henan province, China.
Maysa kadagiti walo nga Ancient Capitals ti pagilian ken sadiay iti pakasarakan dagiti nalatak a pasyaran a kas ti Millennium City Park ken Iron Pagoda Park.
