LA UNION – Sibibiag iti panagtitinnulong dagiti overseases Filipino Workers nga stranded idiay pagilyan iti Malaysia a naka-lock down gapu iti panagsaknap ti coronavirus disease 2019 (COVID-19).
Iti pannakiuman ti Bombo Radyo kenni Arnelia Galvez, tubo iti San Fernando City, La Union ken agnanaed ti nasao a pagilyan, kinunana a narigat ita ti kasasadda sadiay gapu ti lock down.
Sigun kenni Galvez, adda dagiti kakailyan a Pilipino sadiay iti napukawan ti pangngedan.
Gapu iti daytoy, tultulonganda met dagiti pada a Pilipino babaen iti panangted ti kangrunaan a kasapulan kabayatan a makapaspasarda iti krisis.
Kabayatanna, mangmangted met iti tulong ti Malaysian Govenment kadagiti agnanaed sadiay.
Kinuna ni Galvez, imbes a taraon ken kwarta iti ipapaay a tulong ti gobyerno.
Iti tunggal kwalipikado a pamilya para ti subsidiya ket maikkan iti 1,600 Malaysian Ringit wenno kaibatugan iti aganay P20,000.
