LA UNION – Agtultuloy iti panagbotos dagiti Overseas Filipino Workers (OFWs) idiay Hong Kong.
Segun kenni BINC Emily Miranda, adu latta dagiti OFWs iti agturturong idiay Bayanihan Center idiay Victoria Road, Kennedy Town, nangruna nu madanon iti Sabado ken Domingo, tapno agbotos para iti May 9 election.
Maipalagip a nangrugi iti Overseas Absentee Voting (OAV) idi April 10 ken agpatingga inton Mayo 9.
Nagbalin a kontrobersiyal iti umuna nga aldaw ti OAV idiay Hong Kong kalpasan a dinarup iti adu a filipino voters iti Bayanihan Center, a nakaigapwan ti panangpa-awid ti Hong Kong police iti kaaadwan kadagitoy, kas paset iti pannakaipatungpal ti precautionary measures kontra COVID-19.
Maysa ni Miranda kadagiti aganay 92,000 to 93,000 a bilang dagiti registered filipino voters idiay Hong Kong.
Immunan nga imbaga ti Commission on Elections, nga adda iti pakabuklan a 10 precincts para kadagiti nasurok 93,000 registered Filipino voters idiay Hong Kong.
Ket tunggal presinto, maserbian na iti agingga 5,000 voters iti inaldaw.
