LA UNION – Looking forward dagiti Overseas Filipino Workers (OFWs) idiay Singapore iti nakatuding nga state visit ni President Ferdinand Bongbong Marcos Jr. inton Setyembre 6, agdama a tawen .
Iti eksklusibo nga interview ti Bombo Radyo La Union kenni Bombo International News Correspondent (BINC) Rico Ruiz Frias, tubo ti Montalban, RIzal, ngem nakabase ita idiay Central Area, Singapore kinuna na a nangnangruna a magagaran dagiti supporters ni BBM a makita daytoy, iti panagturong na iti nasao a pagilian iti sumaruno a lawas.
Nu idilig iti dadduma a pagilian, napintas nga amang iti kasasaad dagiti Overseas Filipinos idiay Singapore kumpara iti dadduma a pagilian iti Asya ken dadduma pay a kontinente ti lubong.
Iti laeng tarigagay ni Frias ket makapartuat ti ad-adu a trabaho ti Pilipinas tapno maikkan ti pamastrekan dagiti Pilipino nga agingga ita ket awan ti natalged a trabaho.
Iti panagturong ni President Marcos idiay Singapore ket kasaruno iti imbitasyon ni Singaporean President Halimah Yacob.
Nakatuding iti state visit ti Presidente iti nasao a pagilian inton Setyembre 6 agingga Setyembre 7.
Ngem umu-una nga agturong ni President Marcos idiay pagilian nga Indonesia, inton Setyembre 4 agingga Setyembre 6.
