LA UNION – Asidegen a maisayangkat iti 2024 Olympics idiay Paris, France a naituding inton July 26 to August 11, 2024.
Adu dagiti magagaran, manipud kadagiti organizers agingga kadagiti atleta a makipaset iti prestihiyoso a torneyo.
Ngem maisupadi iti namnamaen iti kaadwan, awan ti maidasar kadagiti bisita ken delegado ti torneyo a FRENCH FRIES, nupay namesake or sounds-like daytoy ti pagilian a venue ti olympiada.
Daytoy ket kalpasan a nagdesisyon dagiti organizers nga ikkaten ti sikat a French fries iti listaan dagiti taraon a maiserbi kadagiti atleta.
Segun kenni Estelle Lamotte, deputy director for catering iti Paris Olympics, saan a makai-diaya dagiti organizer ti French fries gapu iti sumagmamano a technical reasons.
Maysa ditoyen ti saan a pannakaipalubos iti panagusar iti deep-fat fryers kadagiti temporary kitchen.
Ngem numan pay awan ti maidasar a French fries, iti adu kunana a maisagana ket lentils wenno buk-bukel ken nat-nateng.
Idi June 26 ket nangisayangkat dagiti organizer ti umuna a test-run, ket naipakita dagiti food offering iti publiko, sports figure, ken kameng ti media.
Pakaibilangan ditoy dagiti taraon manipud naduma-dunma a lubong ket umabot ti 50 dishes iti maidasar iti inaldaw.
Ngem kadackelan a porsiyento dagiti maidasar a taraon ket paset ti French gastronomy.
Kabayatanna, agserbi a kangrunaan a restaurant wenno panganan dagiti olympians ket iti 3,300-seater restaurant a masarakan idiay Paris Olympic village.
Buklen daytoy iti innem a nagduduma a dining hall isunga mabalin tri agpili dagiti atleta iti kayat da a panganan.
