LA UNION – Madama iti panangisayangkat ti muzzle taping wenno busbusalan ti pulisya iti paltog dagiti kandidato iti barangay ken Sangguniang Kabataang (SK) election idiay probinsya ti La Union.
Iti pannakiuman ti Bombo Radyo kenni C/Ins. Silverio Ordinado, spokesperson ti La Union Police Provincial Office (LUPPO), kinunana a personal a turongen dagiti nadutukan a pulis iti tunggal balay dagiti kandidato nga addaan ti bukod a paltog tapno busalan dagitoy.
Saan met a marigatan ti pulisya a matukoy dagiti kandidato nga addaan ti paltog gapu ta iggem da ti listaan.
Iti panangilawlawag ni Oridando, kasapulan nga idiay balay ti kandidato a mismo nga aramiden ti muzzle taping iti igam dagitoy tapno saan a malabsing ti agraraira a gun ban.
Panggep iti panangbusal kadagiti paltog a maliklikan a maaramat dagitoy iti kinadamsak.
