Naanos a naguray dagiti pasahero ti lugan kadagiti terminal ti bus ditoy Siyudad ti San Fernando, sumagmamano nga oras sakbay ti Paskua.
Nakaugalian ti kaadduan nga agawid kadagiti probinsia tapno selebraran iti Noche Buena ken ti mismo a kaaldawan ti Paskua a kadua iti pamilya.
Segun kenni Ann Burgonio, maysa kadagiti nakauman ti Bombo Radyo, inawatda iti kasasaad ti nairut a panagayus ti trapiko gapu ta panawen ti panagaawid ken nairana nga holiday season.
Iti importante kunana, ket makaawid ken makadua iti pamilia a mangrambak iti Paskua.
Kabayatanna, naka-high alert dagiti otoridad kadagiti sentro ti transportasion tapno masigurado iti kinatalged dagiti agbibiahe.
Balakad da met kadagiti biahero nga agannad ken nasapa nga agturong kadagiti terminal tapno maliklikan iti nakaro a panagdupodop dagiti tattao.#
