Pagan-annaden iti Philippine Consulate General idiay Los Angeles, Southern California dagiti Pilipino gapo iti napaot nga heat wave nga isu iti rason iti nakaro a panagbara iti rehiyon.
Segun iti National Weather Service, adda iti Extreme Heat Warning iti dakkel a paset ti Los Angeles ken Orange County, nu sadinno ket posible a dumanon manipud 102 agingga 107 degree Fahrenheit ti temperatura ita a ngudo ti lawas.
Maballaagan iti publiko nga agtalinaed nga hydrated, limitaran dagiti outdoor activities, ken agnaed kadagiti presko wenno air-conditioned a lugar.
Para met kadagiti awanan iti airconditioning system ket maallukoy da nga agturong kadagiti library, senior center, ken dadduma pay a cooling facilities wenno tumawag iti 311 para ti kaasekgan a pasilidad.
Mapalagipan pay iti publiko a saan nga ibati dagiti ubbing, natataengan, ken alaga nga ayup, iti uneg ti lugan agsipud ta adda dagiti pakasaritaan ti kastoy a wagas iti pannakatay.
