Nagpanawagan ni Philippine Coast Guard Spokesperson for the West Philippine Sea Rear Admiral Jay Tarriela nga agkaysa dagiti Pilipino a mangidepensa iti karbengan ti pagilian iti West Philippine Sea, uray ania ti pammatida iti politika.
Segun kenni Tarriela, napateg a labanan ti misinformation a mabalin a mangulep iti pannakaawat ti publiko iti nasao a banag.
Mainaig iti daytoy, nairaman itay nabiit dagiti barko ti China iti sumagmamano nga insidente, pakairamanan ti panagdinnungpar ti China Coast Guard vessel iti barko ti BFAR a BRP Datu Magat Salamat idi Setiembre 18, 54 nautical miles manipud Palawan, a segun iti Philippine Coast Guard ket adda iti uneg ti exclusive economic zone ti Pilipinas.
Kabayatanna, idi Setiembre 24, napaay a nakadanon ti maysa a Philippine rotation and resupply mission iti Ayungin Shoal kalpasan a maharang ken sinubaybayan ti 15 a Chinese vessels.
Segun kenni Tarriela, iti panangidepensa iti West Philippine Sea ket saritaan ti nasional nga interes ken saan a rumbeng a pagbasaran ti pannakabingbingay dagiti Pilipino iti pulitika.###
