LA UNION – Agtultuloy iti panagisuro dagiti Pinoy teachers idiay pagilian nga Oman kadagiti estudyante iti kolehiyo babaen iti online.
Daytoy iti kinuna ni Teacher Catherine Binay-an, a tubo ti Poblacion Alilem Ilocos Sur ken agpapaay kas teacher idiay Oman bayat iti pannakiuman ti Bombo Radyo La Union.
Ngem inlawlawag na a saan amin nga unibersidad idiay Oman ket nangimandar ti online teaching.
Agtaltalinaed met a suspendido iti klase dagiti estudyante iti elementarya ken sekondarya, nangruna ita a saan pay a masinunuo nu kaatnu a mai-lift iti maipatpatungpal sadiay a lockdown.
Dagiti met napukawan kunana iti trabaho nga OFWs ket nasken a suportaran dagiti kompanya a pagtrab- trabahuan dagitoy.
Segun kenni Binay-an, imbilin iti gobyerno ti Oman a dagiti kompanya nga agkedked a suportaran dagiti nagsardeng a mangmangged ket posible a sumango iti maitutop a pannusa.
