LA UNION – Ikon-konsidera ita ti gobyerno ti Japan a pawaywayan iti COVID-19 quasi-state of emergency idiay Tokyo ken iti 12 a prefectures iti dua pay a lawas, manipud iti nakatuding a panagleppas na koma inton Pebrero 13.
Daytoy ket gapu iti agtultuloy a surge ti kaso ti COVID-19 a gapwanan iti mas makaakar nga omicron variant.
Gaputi daytoy, adda dagiti kompanya a nagkissay iti mangmangged ken adda met dagiti nagkissay ti aldaw a panagtrabaho.
Iti interview ti Bombo Radyo La Union kenni BNIC Cecille Bacani, maysa a teacher idiay Japan, agtrab-trabaho laengen ti tallo nga aldaw iti sumagmamano a Pinoy workers manipud iti sigud a 5-aldaw a panagtrabaho.
Nupay kasta, suportado kunana ti gobyerno ti Japan dagiti nasao a mangmangged, nangruna dagiti naikkat iti trabaho, babaen iti maipapaay a financial support.
