LA UNION – Agtultuloy dagiti programa ken aktibidad ti Phil. National Police a kas paset iti panang-selebrar ti Police Community Relations wenno PCR Month ita a bulan ti Hulyo.
Iti pannakiuman ti Bombo Radyo La Union kenni PMAJ Jovelyn Flor, training manager iti Regional Special Training Unit 1 (RSTU 1), kinuna na nga adda iti 34 nga indigent families iti tinulongan da babaen iti panangipaay ti grocery items, kas paset iti Adopt a Family Program.
Dagiti police trainee iti kadwa da a mangisay-sayangkat ti coastal clean-up ken clean up drive kadagiti napili a lugar ditoy probinsiya.
Kinuna na pay a mangisayangkat met ti gift-giving ti PCR-La Union PPO idiay Lettac Sur, Santol, La Union.
Iti tema ita a tawen iti PCR Month celebration ket “Pinaigting na Ugnayan ng Mamamayan at Pulisya Laban sa Covid-19 Pandemya.”
