Iti panagdengngeg ti Senate Finance Committee kadwa da ti Civil Society Organizations, inwaragawag ni coalition co-convenor AJ Montesa a kabilang ditoy iti P210 bilyon a soft pork, P695 bilyon a hard pork, ken P112 bilyon a shadow pork wenno unprogrammed appropriations.
Inkonektar ti grupo iti soft pork kadagiti ayuda a maipagarop a nakadepende iti patronage, bayat a ti hard pork ket dak-dakamatenna dagiti proyekto nga imprastraktura a mabalin nga impluwensiyaan manen dagiti politiko.
Segun kenni Montesa, mangigubway ti panagdanag dagiti nasao nga alokasyon agsipudta mabalin a mas mapaboran iti interes dagiti politiko ngem iti kasapolan ti publiko.
Kas sungbat, insingasing ti People’s Budget Coalition dagiti reporma iti sistema ti ayuda tapno mas direkta a pagnumaran dagiti million a pondo ti gobyerno.
