LA UNION – Maparitan pay laeng dagiti taga Barangay Lingsat ken Barangay Dalumpinas Oeste, San Fernando City a mapan maki-tiyenda iti wet market idiay San Juan La Union.
Daytoy iti kinumpirma ni Mayor Arthur Valdriz, kas napagnumwan kunana iti konseho municipal ken local inter-agency task force.
Adda pakainaigan na daytoy iti panag-positibo ti COVID 19 iti maysa a residente ti Barangay Lingsat.
Naaramid ti nasao nga addang kas precautionary measure tapno maliklikan a maiwaras ti makapatay a virus.
Iti nasao a direktiba ket agpaut agingga July 31, 2020 nga isu met iti panagpaso ti pannakaipasidong ti syudad ti San Fernando iti Enhanced Community Quarantine (ECQ).
