LA UNION – Saan a nailemmeng ni Barangay Kapitan Samuel ‘Amming’ Jucar ti Barangay Cadaclan, San Fernando City, La Union iti sakit ti nakem na kadagiti tricycle drivers ken iti maysa a grocery store ditoy syudad, a nang-discriminate kadagiti kalugaran na.
Daytoy ket kalpasan a kinedkedan dagiti tricycle drivers nga ilugan ken itulod dagiti pasahero nga agawid idiay Cadaclan ken saan a panangpastrek iti maysa a grocery store iti tallo a residente.
Gapwanan daytoy iti nailista a maika-lima a kaso ti COVID 19, residente ti nasao a barangay, ken empleyado iti Regional Trial Court ditoy syudad.
Iti eksklusibo nga interview ti Bombo Radyo La Union kenni Kapitan Jucar, kinuna na a saan a nasayaat iti inaramid dagiti tricycle drivers iti grocery store kadagiti kalugaran na, isunga pagtutung-tungan ti konseho barangay iti maiparbeng nga addang da tapno saanen a maulit iti sag-sagrapen da a diskriminasyon.
Naminsan nga impaganetget ni Jucar a naikkaten ti lockdown a naipatungpal itay nabiit idiay Sitio Patad Sur, Barangay Cadaclan, San Fernando City.
Daytoy ket kalpasan a nag-negatibo iti RT-PCR test iti covid patient no. 5 agraman dagiti close contact daytoy, partikular iti pamilya na.
