LA UNION – Posible a makontrol ti rebel coalition iti intero a Syria gaputi napartak a panagabante dagiti rebel ken opposition fighters iti naduma-duma a lugar.
Immunan a nakontrol da iti Hama ken Homs, iti syudad a naminsanen a nabirngasan kas “Capital of the Revolution” idi nabiit pay ti civil war.
Naan-anay a nakontrol da idi Sabado, iti Deraa, a nangrugyan ti 2011 uprising wenno riribok.
Inyanunsiyo ita ti Syrian army nga “ag-redeploy ken ag-repositioning” da idiay probinsiya ti Sweida ken kabangibang daytoy a lugar.
Sipud timpuar ti civil war, in-inut a nagsuwek iti ekonomiya idiay Syria, nagraira dagiti illegal a negosyo babaen ti psychoactive drug Captagon.
Napaay ni Al-Assad a solbaren dagiti riribok, problema iti ekonomiya ken pulitika, a nagresulta iti krisis ken naduma-duma krimen.
Sakbay a naglibas ni al-Assad ken pamilya na idiay Syria a nagturong idiay Russia, addan dagiti suldado ken pulis a nang-abandonar iti puwesto ken nagibaba ti armas.
Inaklon ti militar a sumagmamanon a tawen a kimmapsot iti al-Assad regime ken agdep-dependar da laengen iti suporta nga aggapo iti Russia ken Iranian military.
Kabayatanna, segun kadagit analysts, uray iti Russia ket kimmapsot iti ar-aramiden na nga invasion idiay Ukraine idinto a ti Iran ken iti Lebanese ally nga Hezbollah ket maparparmek babaen ti Israeli attacks, isunga saan da a naaramid nga i-rescue iti maab-abak a Syrian army.
