BR LA UNION – Kabilang kadagiti maipagarop nga isango a testigo ti House prosecution panel iti impeachment trial kontra kenni Vice President Sara Duterte idiay Senado, ket dagiti opisyal manipud Anti-Money Laundering Council (AMLC), Office of the Ombudsman, Securities and Exchange Commission (SEC) ken National Bureau of Investigation (NBI).
Segun kenni House Prosecutor ken Bicol Saro Party-list Representative Terry Ridon, napateg iti testimonya dagiti opisyal seknan iti alegasyon ti unexplained wealth ken posible a panaglabsing nga adda pakainaiganna iti Statement of Assets, Liabilities and Net worth (SALN).
Imbaga pay ti kongresista a maad-adal nu iraman da nga isango dagiti opisyal ti Bureau of Internal Revenue (BIR) kas testigo seknan iti tax records ni VP Sara ken asawa na a ni Atty. Mans Carpio.
Kabayatanna, malaksid iti volunteer lawyers, mangala pay ti prosecution panel ti financial experts, accountants, ken auditors a mangamiris iti AMLC records ken SALNs tapno mas napigpigsa iti ebidensya iti panagusig.
