Inlawlawag iti Office for Public Safety, San Fernando City, La Union iti kaawan dagiti Traffic lights agingga ti agdama.
Iti pannakiuman iti Bombo Radyo La Union kenni Col. Virgilio Pascua, dadaulo iti OPS, kinunana a kimiddawda iti pannakaitarimaan dagiti traffic lights.
Mainaeg daytoy, nagbalin a kapaliiwan dagiti motorista ken pedestrian a rason iti pannakaaksidente dagiti sumagmamano a behikulo.
Segun kenni Col. Pascua, saan ngamin a kumpleto dagiti bombilya dagiti dadduma a traffic lights ken napagsasaritaan nga iddepen pay laeng amin dagitoy.
Impanamnama ni Col. Pascua a nakitan a naimbag iti City Engineering Office dagiti kasapolan nga maurnos iti kabiitan nga panawen.
Kabayatan na, kiniddaw ni Col. Pascua iti kooperasyon dagiti motorista iti panangsurot kadagiti traffic rules iti syudad tapno maliklikan dagiti aksidente.
