Naipasidong itan ti winter snow warning ti nalawa a paset ti Estados Unidos.
Segun iti National Weather Service, kadagiti sumaganad a tallo nga aldaw ket makapadas ti agingga 16 a kadapan a kapuskol ti snow iti New York City, rason iti panangideklara metten ti state of emergency dagiti sabali pay nga estado.
Indeklaran ni Washington DC Mayor Muriel Bowser iti state of emergency kas panagsagana iti epekto ti snow storm kasta met ti “Snow Emergency” a deklarasyon ni Philadelphia City Mayor Cherelle Parker a nagkuna a maruk-atan laeng daitoy nu sumayaaten ti paniempo.
Maibasar met ti datos manipud FlightAware, nasurok 1,500 flights iti nakanselar. Aganay 60% kadagitoy ket nagtaud idiay Dallas-Fort Worth International Airport.
Manamnama a makapadas ti winter storm ken maaddaan ti napuskol a nyebe dagiti lugar ti Tulsa, Oklahoma; Louisville, Kentucky, Cincinnati, ken Ohio.
