ARINGAY, La Union – Agtultuloy iti ar-aramiden nga imbestigasyon ti pulisya maipapan ti pannakapapatay ti dance instructor idiay Sitio Barcelona, Barangay Pangao-aoan East, ili ti Aringay, La Union.
Nabigbig ti biktima a ni Jess Clifford Navarro, 39 anyos, single, dance instructor, residente iti Barangay Sta. Teresa, ili ti Tubao, La Union.
Base iti impormasyon a nakalap ti Bombo Radyo manipud Aringay Police, nakalugan iti motorsiklo ti biktima kadwa ti backride daytoy idi a dinaanan isuda iti dua a lallaki a suspek.
Binagsol dagiti suspek ti biktima, ngem nakataray ken nagkiddaw iti arayat ti backride-na.
Naiturong iti ospital ti biktima ngem naideklara a dead on arrival daytoy.
